Determinismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Determinismo
- Doutrina filosófica, (e tamén científica, coa posición adoptada por Laplace), que afirma que tódolos acontecementos da natureza están sometidos á acción de leis universais de carácter causal, de xeito que uns derivan necesariamente doutros segundo unha cadea de causas eficientes. O determinismo nega, pois, que poida ter lugar unha acción libre ou por azar na natureza, é dicir, unha acción que non poida ser explicada recorrendo a causas eficientes.
En xeral, as concepcións deterministas da natureza adoitan estar asociadas ao mecanicismo e, no caso das accións humanas, suscitan o problema do determinismo moral.